سه‌ردانی سوره‌یا فه‌لاح به‌رپرسی كۆمیته‌ی ژنانی كۆنگره‌ی نه‌ته‌وه‌ی كورد
هه‌یئه‌تێكی یه‌كیه‌تیی ژنانی دێموكراتی كوردستانی ئێران سه‌ردانی سوره‌یا فه‌لاح به‌رپرسی كۆمیته‌ی ژنانی كۆنگره‌ی نه‌ته‌وه‌ی كورد له باكووری ئامریكا كرد
رۆژی هه‌ینی، 23 ی گه‌لاوێژی 1388ی هه‌تاوی، شاندێكی یه‌كیه‌تیی ژنانی دێموكراتی كوردستانی ئێران به سه‌رپه‌ره‌ستیی چنوور قادری، ئه‌ندامی هه‌یئه‌تی ئیجرایی‌‌و به هاورێیه‌تی مه‌حبووبه ئیبتكار، ئه‌ندامی كۆمیته‌ی به‌ڕێوه‌به‌ریی گشتی‌‌و نیشتمان رووحانی، ئه‌ندامی راوێژكاری كۆمیته‌ی به‌ڕێوه‌به‌ریی گشیتی یه‌كیه‌تیی ژنانی دێموكراتی كوردستانی ئێران له شاری هه‌ولێری باشووری كوردستان سه‌ردانی چالاكی مافی ژنان‌و به‌رپرسی كۆمیته‌ی ژنانی كۆنگره‌ی نه‌ته‌وه‌ی كورد له باكووری ئامریكا، سوره‌یا فه‌لاحیان كرد.
له‌و دیداره دۆستانه‌یه كه نزیك 3 كاتژمێری خایاند، سه‌ره‌تا چنوور قادری باسێكی له سه‌ر بارودۆخی ژنان له ئێران‌و كوردستاندا كرد‌و پاشان تیشكی خسته سه‌ر خه‌بات‌و چالاكییه‌كانی رێكخراو‌و ئه‌نجوومه‌نه‌كانی پارێزه‌ری مافی ژنان له كوردستانی ئێران. هه‌روه‌ها به وردیش له سه‌ر كار‌و چالاكییه‌كانی یه‌كیه‌تیی ژنانی دێموكراتی كوردستانی ئێران دوا
پاشان سوره‌یا فه‌لاح له سه‌رخه‌باتی به‌رده‌وامی ژنان له سه‌رانسه‌ری جیهاندا له پێناو ماف‌و ئازادییه‌كانیان‌و دابینبوونی دێموكراسی‌‌و یه‌كسانی له كۆمه‌ڵگاكاندا قسه‌ی كرد‌و هه‌ڵسه‌نگاندنێكی له نێوان یاساكان له ئامریكا، ئورووپا‌و كوردستانی كرد‌و هێندێكی خالی هه‌ڵاواردن هێنه‌ر له‌مه‌ڕ حقووقی ژنان كه ئێستاش له ئامریكا‌و به‌شێكی له وڵاتانی ئورووپاش به‌ڕێوه ده‌چێت، ده‌ستنیشان كرد. دواتر پێداگریی له سه‌ر یه‌كگرتوویی، هاوخه‌باتی‌‌و هاوكاریی هێز‌و رێكخراو‌و چالاكه‌كانی پارێزه‌ری مافی ژنان كرا‌و تیشكی خرایه سه‌ر زۆر خاڵی ئه‌رێنیی به‌هێزبوون‌و گه‌شه‌سه‌ندنی خه‌باتی یه‌كسانخوازیی ژنان.
هه‌ر دوو لا له سه‌ر پێوه‌ندیی دۆستانه‌‌و نزیكی رێكخراوه‌یی پێداگرییان كرد.
شایانی باسه سوره‌یا فه‌لاح له‌گه‌ڵ هه‌یئه‌تێكی پایه‌به‌رزی كۆنگره‌ی نه‌ته‌وه‌ی كورد له باكووری ئامریكا (KNC) بۆ پێكهێنانی “كۆمیته‌ی كولتوور‌و ژیان”و پێكهێنانی چه‌ند كۆڕ‌و سیمینار له‌و پێوه‌ندییه‌دا سه‌ردانی باشووری كوردستانیان كردووه.
more:
http://www.peshmergekan.com/index_a.php?id=5068
چاپ کردن/Print
No comments:
Post a Comment